តើឪពុកម្តាយកុមារអូទីសឹមជួយផ្លូវចិត្តខ្លួនឯងដោយវិធីណា?

ថ្ងៃពុធ ១០កើត ខែភទ្របទ ឆ្នាំច សំរឹទ្ធិស័ក ពស ២៥៦២

ត្រូវនឹង ថ្ងៃទី ១៩ ខែ កញ្ញា​ ឆ្នាំ ២០១៨

តើឪពុកម្តាយកុមារអូទីសឹមជួយផ្លូវចិត្តខ្លួនឯងដោយវិធីណា?

គ្រប់ឪពុកម្តាយពេលទទួលបានលទ្ធផលថាកូនជាកុមារអូទីសឹមសុទ្ធតែមានភ័យ បារម្ហ បាត់ទឹកចិត្ត អស់សង្ឈឹម ទទួលយកមិនបាន។ សុខភាពផ្លូវចិត្តឪពុកម្តាយសំខាន់សំរាប់កូនមិនថាកូនធម្មតារឺពិការទេ។ ឪពុកម្តាយមានផ្លូវចិត្តល្អទើបកូនមានសុខភាពផ្លូវចិត្តល្អដែរ។​​នេះជាបទពិសោធន៍កន្លងមកដែលខ្ញុំបានអនុវត្តន៍ កំពុងអនុវត្តន៍ ហើយត្រៀមអនុវត្តន៍

1. ​​​​​ព្រមទទួលថាកូនមានពីការភាពអូទីសឹម
2. ស្រាវជ្រាវឯកសារតាម internet រឺអានសៀវភៅទាក់ទងនឹងពិការភាពអូទីសឹមនិងចិត្តសាស្រ្ត បញ្ហាញាណទាំងប្រាំ
3. បង្កើនទំនាក់ទំនងជាមួយឪពុកម្តាយកុមារអូទីសឹមផ្សេងទៀតដើម្បីទទួលបានបទពិសោធន៍និងចែករំលែកបទពិសោធន៍
4. ចូលរួមសិក្ខារសាលារឺវគ្គបង្រៀនដែលទាក់ទងអូទីសឹមនិងផ្លូវចិត្ត
5. ពិភាក្សារក្នុងគ្រួសារដាក់ផែនការបង្រៀនកូនកុំអោយយឺតពេលចូលរៀនក្នុងសាលាធម្មតា
6. អនុវត្តន៍ផែនការបង្រៀននិងចំណាយពេលចុងសប្តាយ៍ដោយនាំកូនចូលរួមក្នុងសង្គម
7. មើលគំរូឪពុកម្តាយនៅបរទេសដែលយកកាលលំបាកក្លាយជាឪកាស
8. បង្កើតគំនិតរួមជាមួយឪពុកម្តាយផ្សេងៗ​បានជាសំលេងសហគមអូទីសឹមសំរាប់ជួយរកផលប្រយោជន៍ដល់កុមារអូទីសឹម។
9. រកចន្លោះពេលណាមួយសំរាប់ខ្លួនឯងបន្ធូរអារម្មណ៍រឺក៏រៀនសមាធិ។

ក្រោយពីជួយខ្លួនខ្ញុំពីវិបាតផ្លូវចិត្តនេះហើយខ្ញុំអាចមានទំនាក់ទំនងណឺងកូនខ្ញុំបានច្រើនពួកយើងអាចប្រលែងលេងជាមួយគ្នាដោយពីមុនខ្ញុំមិនយល់ពីកូនខ្ញុំសោះ។

អូទីសឹមមិនមែនជាជំងឺទេ​ កុមារអូទីសឹមត្រូវការគ្រួសារមិត្តដែលយល់ពីគាត់នោះ​ ពួកគាត់នឹងបង្ហាញអោយឃើញ​ ភាពអស្ចារ្យ និង ទេពកោសល្យ របស់គាត់។

សូមអរគុណ

សរសេរអត្ថបទ៖ កែវ ពិសី​ (ម៉ាក់យូអុី)